भारतमा ‘ओमीक्रोन’का १८ नयाँ संक्रमित भेटिए
काठमाडौं- भारतमा आइतवार कोरोना भाइरसको ‘ओमीक्रोन’भेरियन्टका १८ नयाँ संक्रमित भेटिएका छन्।
यिनमध्ये राजस्थानमा सबैभन्दा धेरै ९ संक्रमित भेटिएका छन्। त्यहाँ एक परिवारका ४ सदस्य हालै दक्षिण अफ्रिकाबाट फिरेका थिए।
उनीहरुसहित अन्य पाँचजनामा पनि यो भेरियन्टका संक्रमित भेटिएका हुन्।
यसअघि पुणे र यससँग जोडिएको पिन्परी चिन्चवाड जिल्लामा ७ संक्रमित भेटिएका थिए। दिल्लीमा पनि एक संक्रमित भेटिएका छन्। यसका साथै देशका ५ राज्यमा यस भेरियन्टका २२ संक्रमित भेटिएका छन्।
महाराष्ट्रमा ८ जना
महाराष्ट्रमा आइतवार ओमीक्रोनका ८ नयाँ मामिला भेटिएका छन्। पिन्परी चिन्चवाड जिल्लामा यी संक्रमित भेटिएका हुन्। यिनीहरु सबैलाई क्वारेन्टाइन पठाइएको छ। यी संक्रमित सबै विदेशबाट आएका हुन्।
दिल्लीमा पनि ओमीक्रोनको पहिलो केस भेटिएको छ। दिल्लीका स्वास्थ्य मन्त्री सत्येन्द्र जैनका अनुसार तान्जानियाबाट आएकामा संक्रमण देखिएको हो।
एयरपोर्टमा जाँचपछि ती व्यक्तिममा ओमीक्रोन संक्रमण देखिएको हो। उनलाई दिल्लीको अस्पतालमा भर्ना गरिएको छ।
कर्नाटकमा सबैभन्दा पहिले आइतवार २ संक्रमित भेटिएका थिए। यिनमा एक विदेशी हुन्। जो नोभेम्बरमा भारत आएका थिए।