अखिल साँझमा पुगेर ओलीले सुनाए आफ्नै गीत
काठमाडौं-नेकपा (एमाले) का अध्यक्ष केपी ओलीले लोकतन्त्रको रक्षा तथा सामाजिक न्याय र समृद्धिको अभियान्ताका रूपमा आफ्नो पार्टी अगाडि बढीरहेको बताएका छन् ।
बुधबार पार्टीको विद्यार्थी संगठन अनेरास्ववियुले आयोजना गरेको अखिल साँझमा ओलीले भने, ‘हामी समृद्धिको यात्रामा निरन्तर अगाडि बढिरहेका छौँ । हामी समाजका सबै क्षेत्रलाई अगाडि बढाउने अगुवाका रुपमा हामी अघि बढ्न चाहान्छौँ ।’
ओलीले राष्ट्रियता र लोकतन्त्रको रक्षा गर्ने पार्टी एमाले मात्रै भएको पनि बताए । एमाले हुँदासम्म राष्ट्रियता, लोकतन्त्र जस्ता सवाल के होलान् भनेर कसैले धन्दा मान्नु नपर्ने पनि बताए ।
‘राष्ट्रियता के होला ? लोकतन्त्र के होला ? भन्दा मैले एउटा गीत बनाएको थिए । धन्दा नमान नेकपा एमाले यहाँ छदैँछ,’ ओलीले भने, ‘एमाले यहाँ छ त्यसैले धन्दा मान्नु पर्दैन राष्ट्रियताको सवाल होस जुनसुकै सवाल होस ।’
एमालेले एउटा संकल्पमा हिँडेको पार्टी भएको उल्लेख गर्दै यो थाक्ने र गल्ने खालको पार्टी नभएको बताए ।