एकीकृत समाजवादीले ‘वक्ता’ अभियान चलाउने

काठमाडौं । नेकपा (एकीकृत समाजवादी) पार्टीले स्पिकर अभियान चलाउने भएको छ । नेपाल किसान महासंघको राष्ट्रिय समिति घोषणा कार्यक्रममा अध्यक्ष माधवकुमार नेपालले पार्टीको विचार जनतामा पुर्याउन उक्त अभियान चलाउने बताए ।

“संगठन विस्तारको अभियानमा जुटिरहेका छौं । तीन महिने अभियानको योजना अघि सारेका छौं । तीन महिने अभियान पसस मसान्तमा अन्त हुन गइरहेको छ,” उनले भने,“यसै क्रममा हामीले विशेष अभियान, स्पिकर अभियान घरघरमा लिएर जाने जमर्को गरेका छौं । जसले हाम्रो विचारलाई जनताको माझमा पुर्याउने छ । जसले हाम्रो पंतिको परिचालन गर्नेछ ।”

कार्यक्रममा अध्यक्ष नेपालले कृषिका क्षेत्रमा कतिपय नीति परिवर्तन गर्नुपर्ने बताए । नेपालको अर्थतन्त्रको पहिलो आधारशीला कृषि क्षेत्रको रुपान्तरण भएको उनको भनाइ छ । अध्यक्ष नेपालले कृषिको आधुनिकीकरण, व्यवसायीकरण, यान्त्रीकरण गर्न सकेमात्रै आमुल परिवर्तन गर्न सकिने बताए । कृषि क्षेत्रमा गुणात्मक परिवर्तनको आवश्यकता औंल्याए ।