एमालेका अध्यक्ष ओलीले पत्रकार सम्मेलन गर्दै

काठमाडौं- पूर्वप्रधानमन्त्री तथा नेकपा एमालेका अध्यक्ष केपी शर्मा ओलीले पत्रकार सम्मेलन गर्ने भएका छन्। पार्टीमा नेपाल समूहका नेताहरू फर्किएपछि उनले पत्रकार सम्मेलन गर्ने भएका हुन् ।

हिजोमात्रै नयाँ सहमति अनुसार माधव समुहका नेताहरू स्थायी कमिटी बैठकमा सहभागी भएका थिए । उक्त विषयमा ओलीले केहि बोल्न चाहेको हुनाले पत्रकार सम्मेलन गर्न लागेको बताइएको छ।

पत्रकार सम्मेलन बुधबार विहान ११ बजे तुलसीलाल अमात्य भवन च्यासलमा आयोजना गरिएको छ । ओलीले पत्रकार सम्मेलन गर्नेबारे पार्टी कार्यालय सचिव शेरबहादुर तामाङले पुष्टि गरे।

नेकपा एमालेमा लामो रस्साकस्सीपछि असन्तुष्ट नेताहरुले एकताको सन्देश दिएसँगै ओलीले आज पार्टी एकताको सन्देश र देउवा सरकारको डेढ महिने समीक्षाका बारेमा पत्रकार सम्मेलन गर्न लागेको तामाङले जनाए।