नेपाली कांग्रेसको पदाधिकारी बैठक बस्दै

काठमाडौँ – नेपाली कांग्रेसको पदाधिकारी तथा पूर्व पदाधिकारको बैठक बिहीबार पनि बस्दैछ । दिउँसो २ बजेका लागि सभापति समेत रहेका प्रधानमन्त्री शेरबहादुर देउवाले निजी निवास बुढानीलकण्ठमा बैठक बोलाएका हुन् ।

बैठकमा आगामी १४ औँ महाधिवेशनको विषयमा छलफल हुने जनाइएको छ । यसअघि बुधबार बसेको बैठकले क्रियाशील सदस्यता सम्बन्धमा थप केही नमिलेको भए मिलाएर ल्याउन एक दिनको समय दिएको थियो ।

सो समय बिहीबार दिउँसो सकिँदै छ । क्रियाशील सदस्यताको विवादका कारण कांग्रेसको आगामी महाधिवेशन निर्धारित मिति भदौ १६ गते भने नहुने भएको छ ।