पार्किङ गरिएको बसबाट चारजना युवायुवती पक्राउ

कैलाली । कैलालीमा पार्कीङ गरिएको बस भित्रबाट ४ जना युवायुवती पक्राउ परेका छन् । धनगढी उपमहानगरपालिका–४ उत्तरवेहडीमा पार्कीङ गरेको बस भित्रबाट मंगलबार मध्यरातमा प्रहरीले ४ जनालाई पक्राउ गरेको हो ।

पक्राउ पर्नेमा धनगढीका २४ बर्षीय दिलिप थापामगर र टीकापुरका १९ बर्षीय राम चौधरी सहित अन्य दुई जना युवती रहेको जिल्ला प्रहरी कार्यालय कैलालीका प्रहरी नायव उपरीक्षक दक्षबहादुर बस्नेतले जानकारी दिए ।

बस भित्र हल्ला भएपछि स्थानीयले प्रहरीलाई खबर गरेका थिए । पक्राउ परेका दुई जना युवा बसका सह–चालक रहेको प्रहरीले जनाएको छ । उनीहरुका अभिभावकलाई बोलाएर कारवाहीको प्रक्रिया अगाडि बढाउने प्रहरी नायव उपरीक्षक बस्नेतले जानकारी दिए ।