यस्तो छ स्व. तिवारीको शब यात्रा (फोटो फिचर)
हिमाल पोष्ट/बुटवल,पुस ६
युवा संघका रुपन्देही अध्यक्ष स्व.दुर्गा तिवारीको शबयात्रा बुटवलबाट शुरु भएको छ ।
लुम्बिनी अञ्चल अस्पताल बुटवलबाट शब यात्रा शुरु भएको हो । उनको आजै देवघाटमा अन्तिम संस्कार सहित पार्टिको झण्डा ओढाउने कार्यक्रम रहेको युवा संघका केन्द्रिय सचिबालय सदस्य देबराज पाख्रेलले जानकारी दिए ।
उनको शबयात्रा सहित बुटवल बजार परिक्रमा गर्नेछ । पुष्पलालपार्क,अमरपथ,राममन्दिर लाइन, ट्राफिकचोक,बसपार्क,मिलनचोक हुदै राजमार्ग चौराहामा शोकसभा हुनेछ ।
शोकसभापछि देबदह खैरेनीमा रहेको तिवारीको घरमा शव लगेपछि अन्तिम संस्कारका लागि देबघाट लगिने युवा संघले जनाएको छ ।
शोकसभामा एमालेका उपमहासचिवद्वय बिष्णुप्रसाद पौडेल र घनश्याम भुसाल,जिल्लाका नेताहरु तथा युवा संघका केन्द्रिय कमिटिका अधिकांश नेताहरु बुटवलमा छन् ।जिल्ला सुरक्षा समिती रुपन्देहीको सम्पन्न बैठकले दुर्गा तिवारीलाई सहिद घोषणा गर्न गृहमन्त्रालयलाई सिफारिस गरेको जनाइएको छ ।सुरक्षा समितिसंग भएको सहमति पत्र नपाएपछि युवाहरुले शब बुझ्न मानेनन् ।
तस्बिर :दिनेश कुमार श्रेष्ठको फेसबुकबाट