वाईसीएलको संयोजक बने सुमन देवकोटा, सहसंयोजक सुवोध सेर्पाली

काठमाडौं। चर्को विवादका बीच नेकपा (माओवादी केन्द्र) निकट युवा संगठन वाईसीएलको संयोजकमा सुमन देवकोटा चयन भएका छन् । यसअघि उपाध्यक्ष रहेका देवकोटालाई संयोजकको जिम्मेवारी दिइएको हो ।

वाइसिएलको राष्ट्रिय सम्मेलनमा चर्को विवाद भएपछि नेतृत्व छान्ने काम थाति राखिएको थियो ।मंगलबार बसेको केन्द्रीय समितिको पहिलो पूर्णबैठकले देवकोटालाई राष्ट्रिय सम्मेलन आयोजक समिति संयोजकको जिम्मेवारी दिएको छ ।

सहसंयोजकमा भने सुवोध सेर्पालीलाई राखिएको छ । यसअघिको राष्ट्रिय सम्मेलनबाट २३१ सदस्यीय केन्द्रीय समिति बनाउने घोषणा गरिएको थियो। अब देवकोटा नेतृत्वको यो समितिले वाईसीएलको तेस्रो राष्ट्रिय सम्मेलन गर्नेछ ।

यसअघि अध्यक्षमा दुवैजनाको दावी गरेका कारण पदाधिकारीविहीन केन्द्रीय समिति बनाइएको थियो ।