माधव नेपाल र चिनियाँ राजदूत यान्छीबीच भेटवार्ता
काठमाडौं : नेकपा दाहाल–नेपाल समूहका अध्यक्ष माधवकुमार नेपालसँग नेपालका लागि चिनियाँ राजदूत होउ यान्छीले भेटेकी छन् ।
नेकपा स्पष्ट रुपमा दुई समूहमा विभाजित भइसकेको अवस्थामा चिनियाँ दाजदूत यान्छीले शुक्रबार नेपाललाई भेटेकी हुन् ।
समूहका केन्द्रीय सदस्य एवं विदेश विभाग उपप्रमुख विष्णु रिजालका अनुसार शिष्टाचार भेटका अवसरमा उनीहरूबीच दुई मुलुकका आपसी हितका विषयमा छलफल भएको छ ।
यसअघि बिहीबार खुमलटार पुगेर राजदूत यान्छीले अध्यक्ष पुष्पकमल दाहाललाई भेटेकी थिइन्।
राजदूत यान्छी र प्रचण्डबीच नेकपाभित्र विकसित राजनीतिका विषयमा छलफल भएको थियो।
यसअघि पनि नेकपाभित्रका नेताहरूबीचको अन्तर्संघर्ष तीव्र बनेका वेला चिनियाँ राजदूत यान्छीको सक्रियता बढ्ने गरेको थियो ।