वडाध्यक्ष द्बारा विद्यार्थी भर्ना

मसुरिया ,कैलाली । कैलालीको गौरीगंगा नगरपालिका वडा नं ५ का वडा अध्यक्ष जंग बहादुर विकले एक जना विद्यार्थी भर्ना गर्नु भएको छ । जनजागृति अाधारभुत विद्यालयमा कक्षा ३ मा मनिषा रसाइलीलाई विद्यालय भर्ना गर्नु भएको हो । आमा बुबा नभएकि मनिषाको सम्पुर्ण विद्यालय खर्च पोसाक कापी कलमको जिम्मेवारी लिएर बुधबार भर्ना गर्नु भएको हो ।

वडा सदस्य कमान सिंह बोगटीले ६ मा पढ्ने कुशुम सदाशंकरको अभिभावकको जिम्मेवारी लिएर भर्ना गर्नु भएको छ  । यस्तै विद्यालयका प्रधानाध्यापक डि.बि. सुनार ले पनि एक जना अनाथ विद्यार्थीको जिम्मेवारी लिनु भएको थियो ।बुधबारदेखि भर्ना कार्यक्रम सञ्चालन गरिएको छ ।

अनाथ असाहय बालबालिकाहरू स्कुल जानबाट बन्चित हुनबाट रोक्नका लागि पहिलो प्राथमिकता दिइएको विद्यालयका प्रधानाध्यापक डिवि सुनार ले बताउनुभयो । वडा अध्यक्ष जंग बहादुर विकले आफुले जिम्मेवारी लिएका विद्यार्थीको नियमित रूपमा अनुगमन, मूल्याङ्क र अभिभावकको जिम्मेवारी पूरा गर्ने बताउनु भएको छ ।