विप्लव समूहका नेताहरू एमाले प्रवेश गर्ने, ओलीले स्वागत गर्दै

नेकपा एमालेका अध्यक्ष केपी शर्मा ओली कर्णाली पुगेका छन् । दैलेखको दुल्लु, कालिकोटको मान्म र जुम्लाको सिंजा उपत्यकामा आयोजना गरिएका कार्यक्रमलाई सम्वोधन गर्न उनी कर्णाली पुगेका हुन ।

ओलीले सिंजामा नेकपा विप्लव समुहका नेता राज्य समिति सदस्य राम प्रसाद शर्मा र नेपाली कांग्रेस प्रदेश ‘ख’ का उपसभापति दानसिंह खत्री लगायतका सयौं नेता कार्यकर्तालाई एमाले भित्र्याउने कार्यक्रम छ ।

यस्तै कालिकोटमा पूर्व मुख्यमन्त्री महेन्द्र बहादुर शाहीका प्रमुख स्वकीय सचिव कृष्ण प्रसाद आचार्य सहित चार सय भन्दा बढी नेता कार्यकर्तालाई एमालेमा ओलीले प्रवेश गराउने भएका हुन ।