ट्रकको ठक्करबाट शीतगंगाकी १७ वर्षीया शोभाको मृत्यु !
कपिलवस्तु : पूर्वपश्चिम राजमार्गअन्तर्गत कपिलवस्तुको वाणगंगामा ट्रकको ठक्करबाट साइकलयात्रीको मृत्यु भएको छ।
मृत्यु हुनेमा शीतगंगा नगरपालिका–१४ का १७ वर्षीया शोभा न्यौपाने रहेको प्रहरीले जनाएको छ। वाणगंगा नगरपालिका–२ कलौनीचोकमा आइतबार बिहान साढे ६ बजे ना ७ ख ५९२९ नम्बरको ट्रकले ठक्कर दिँदा गम्भीर घाइते भएकी न्यौपानेको लुम्बिनी अञ्चल अस्पताल बुटवलमा उपचारको क्रममा मृत्यु भएको होे।
ठक्कर दिने ट्रक र चालकलाई इलाका प्रहरी कार्यालय पिपराले नियन्त्रणमा लिएको छ। बिहान पढ्न जान हिँडेकी न्यौपानेलाई ट्रकले ठक्कर दिएको प्रहरी नायब उपरीक्षक रवी रावलले बताए। उनी पिपरास्थित जनता माबिमा अध्ययनरत थिइन्।