त्रिशूली नदीमा भुस बोकेको ट्रक खस्दा चालक बेपत्ता

चितवन । आइतबार राती त्रिशूली नदीमा ट्रक खस्दा ट्रक चालक बेपत्ता भएका छन् । राति ११ः२५ बजे चितवनबाट नुवाकोटतर्फ जाँदै गरेको ना ३ ख १८३ नंम्बरको भुस बोकेको ट्रक पृथ्वीराजमार्गअन्तर्गत इच्छाकामना गाउँपालिका–४ फिस्लिङबाट त्रिशूली नदीमा खस्दा धादिङ घर भएका चालक २८ वर्षीय तुलबहादुर गुरुङ बेपत्ता भएका हुन् ।

सहचालक २० वर्षीय सुरज गुरुङले नदीबाट पौडेर ज्यान बचाएको जिल्ला प्रहरी कार्यालय चितवनले जनाएको छ । बेपत्ता चालकको खोजीकार्य भइरहेको छ । ट्रक आफैँ अनियन्त्रित भएर नदीमा खसेको थियो ।