कपिलले भने ‘छिट्टै आउँदैछु, द कपिल शर्मा शो लिएर’

काठमाडौं । कपिल शर्मा एक पटक फेरि सानो पर्दामा फर्कने तयारीमा छन् । दर्शकहरुलाई लामो समय देखी उनको पपुलर कमेडी शो ‘द कपिल शर्मा शो’ फेरी शुरू हुने तयारीमा छ ।

इंडियन एक्सप्रेस अनुसार उनको शो यसै वर्षको डिसेम्बरमा शुरू हुनेछ । कपिल आफ्नो बिहेको तयारीमा पनि व्यस्त छन् । निर्माताले पनि शो लाई हतारमा शुरू गर्न चाहेका छैनन् ।

कपिल पर्याप्त समय लिएर बिवाह पछी डिसेम्बरमा शो लाई प्रशारण गर्ने सोंचमा छन् । अहिले शो को क्रिएटिव एंगल मा काम भइरहेको छ । कास्टींंग र शो को फर्मेटमा थुप्रै काम बाँकी रहेको छ भने सेट पनि डिजाइन नभएको जनाइएको छ ।

१२ डिसेम्बरमा कपिल शर्मा जालंधरमा आफ्नी गर्लफ्रेंड गिन्नी चतरथसँग बिहे गर्दैछन् । त्यसैकारण अब यो शो डिसेम्बर दोश्रो सातापछि मात्रै शुरू हुने आँकलन गरिएको छ । हालसालै कपिलले ट्वीट गर्दै लेखेका छन् ‘छिट्टै आउँदैछु, द कपिल शर्मा शो लिएर, मात्र तँपाइकोलागि सोनी टीवी मा ।’