तेन्दुलकरको ‘ड्रिम टिम’मा विलियमसन कप्तान, धोनी आउट

एजेन्सी– महान् क्रिकेटर सचिन तेन्दुलकरले भर्खरै सम्पन्न भएको वल्र्ड कप क्रिकेट २०१९ बाट सर्वश्रेष्ठ ११ खेलाडी चयन गरेका छन् । जसमा महेन्द्र सिंह धोनीको नाम रहेको छैन । तेन्दुलकरले आफ्नो ड्रिम टिमको कप्तानमा न्युजिल्यान्डका केन विलियमसनलाई चुनेका छन् ।

तेन्दुलकरको टिममा पाँच भारतीय खेलाडी रहेका छन् । तर, पाँच जना भारतीय खेलाडी हुँदा समेत विकेटकिपर महेन्द्र सिंह धोनी परेका छैनन् । भारतीय खेलाडीमा रोहित शर्मा, विराट कोहली, हार्दिक पंड्या, रविन्द्र जडेजा र जसप्रित बुमराह रहेका छन् । रोहित र जानी बेयरस्टोलाई ओपनरमा राखिएको छ । तेस्रो नम्बरमा विलियमसनलाई राखिएको छ ।

भारतीय कप्तान विराट कोहली चौथो नम्बरमा छन् । त्यसपछि शाकिब अल हसन, बेन स्टोक्स, पंड्या र जडेजा रहेका छन् । तेन्दुलकरले मिसेल स्टार्क, जोफरा आर्चर र बुमराहलाई बलका रूपमा चुनेका छन् । त्यसपछि आईसीसीले पनि वल्र्ड कपको ड्रिम ११ खेलाडी चुनेको छ । जसमा रोहित र बुमराहलाई मात्र स्थान दिइएको छ ।

हल अफ फेमबाट सम्मानितभारतका क्रिकेट लिजेन्ड सचिनतेन्दुलकर आईसीसी हल अफ फेम’ बाटसम्मानित भएका छन् ।

अन्तर्राष्ट्रिय क्रिकेट परिषद् (आईसीसी) ले बिहीबार पूर्व ब्याट्सम्यान सचिनलाई ’आईसीसी हल अफ फेम’ बाट सम्मान गरेको हो । इंग्ल्यान्डको लन्डनमा बिहीबार एक कार्यक्रमकाबीच सचिनलाई हल अफ फेमबाट सम्मान गरिएको थियो ।

‘आईसीसी हल अफ फेम’ सम्मान पाउने सचिन भारतका छैटौं खेलाडी हुन् । हल अफ फेमबाट सम्मानित भएपछि सचिनले यस क्षण अविश्वसनीय र सम्मान पाउने भाग्यशाली बन्दा निकैखुसी लागेको बताए ।

विश्व क्रिकेटमा सचिन कीर्तिमानी खेलाडी हुन् । सन् २०१३ बाट सन्यास लिएका सचिनले टेस्ट क्रिकेटमा १५ हजार ९२१ रन बनाएका छन् । उनले एकदिवसीयमा १८ हजार ४२६ रन जोडेका छन् ।

टेस्ट र एकदिवसीय क्रिकेटमा सर्वाधिक रन बनाउने खेलाडीको कीर्तिमान सचिनको नाममा रहेको छ । उनले आफ्नो खेल जीवनमा सय बढी शतक बनाएका छन् ।

सचिनसँगै दक्षिण अफ्रिकाका पूर्वक्रिकेटर एलन डोनाल्ड पनि ‘आईसीसी हल अफ फेम’ बाट सम्मानित भएका छन् । ५२ वर्षे बलर डोनाल्डले दक्षिण अफ्रिकाबाट ३३० टेस्ट र २७२ एकदिवसीय विकेट लिएका थिए ।

यस्तै, अस्ट्रेलिया महिला क्रिकेट टिमकी पूर्वखेलाडी क्याथरिन फिट्जप्याट्रिक पनि ’आईसीसी हल अफ फेम’ बाट सम्मानित भएकी छन् ।