तत्काल ‘नाइट भिजन हेलिकोप्टर’ बाट उद्दार गर्न प्रधानमन्त्रीको निर्देशन
काठमाडौं : प्रदेश २ का बारा र पर्सा जिल्लामा हावा हुरीबाट ठूलो संख्यामा जनधनको क्षति भएको छ। आइतबार साँझ आएको तेज हावाहुरीबाट घाइते भएका र प्रभावितको उद्दारका लागि काठमाडौंस्थित अन्तर्राष्ट्रिय विमानस्थलमा हेलिकोप्टर तयार राखिएको प्रधानमन्त्रीले जानकारी दिएका छन।
काठमाडौंको एयर बेसमा नाइट भिजन हेलिकोप्टर तयार राखिएको र मौसममा सुधार हुनेबित्तिकै उक्त हेलिकोप्टर राहत लिएर बारा र पर्सा जाने प्रधानमन्त्रीको सचिवालयले जानकारी दिएको छ। नेपाल कम्युनिस्ट पार्टीका अध्यक्षसमेत रहेका प्रधानमन्त्री ओलीले हुरीबाट प्रभावितको उद्दारमा लाग्न सुरक्षाकर्मी र पार्टी पंक्तिलाई आह्वान गरेका छन।
बारा र पर्सामा आइतबार साँझ आएको हुरीबाट २७ जनाको मृत्यु भएको छ भने राति परेकाले अझै यकिन विवरण आउन सकेको छैन। प्रहरीका अनुसार यो संख्यामा अझै बढोत्तरी हुनसक्ने सम्भावना छ। हावाहुरीबाट दुवै जिल्लामा ४५० भन्दा बढी घाइते भएका छन।
भोली बिहानबाट आवस्यक उद्दार र राहतका लागि हेलिकप्टर तयारी अवस्थामा राखिएको छ । मौसमले साथ दिएमा तत्काल उद्दार गर्न काठमाडौंको एयर बेसमा
"नाईट भिजन" हेलिकप्टर तयारी अवस्थामा राखिएको छ।
सुरक्षाकर्मी संगै उद्दारमा संलग्न रहन म, सिंगो पार्टी पंक्तिलाई आह्वान गर्दछु।— K P Sharma Oli (@kpsharmaoli) March 31, 2019