टाँडीको प्रहरी चौकीमा आक्रमण, स्थिति तनावग्रस्त
चितवन -चितवनको टाँडी तनावग्रस्त बनेको छ । बिहीबार साँझ इलाका प्रहरी कार्यालय तनावग्रस्त भएको हो ।टाँडीको प्रहरी कार्यालयमा एक जनाको मृत्यु भएपछि तनावको वातावरण बनेको हो ।
मृतकका आफन्तहरुले राजमार्ग बन्द गराएर इलाका प्रहरी कार्यालय टाँडीमा ढुंंगामुढा प्रहार गर्न थालेपछि स्थिति तनावग्रस्त बनेको हो । आक्रोशित भीडले ढुंगामुढा प्रहार गर्न थालेपछि भीडलाई तितरबितर पार्न प्रहरीले अश्रुग्याँस प्रहार गरेको जनाएको छ ।
मृत्यु हुनेमा पदमपुरका एकजना सर्वसाधारण रहेका छन् । चौधरी थरका उनलाई प्रहरीले २ दिनअघि मात्र झै–झगडा गरेको केसमा पक्राउ गरेको थियो । आफन्तले चौधरीलाई प्रहरीले कुटपिट गरेर मारेको आरोप लगाएका छन् ।
भीडका कारण राजमार्गमा चलने सवारी चापको कारण यात्रुहरु बिचल्लीमा परेका छन् । भीड नियन्त्रणमा आएको छैन् ।
फाइल तस्बिर