गंगामायालाई हेरेपछि सुशिला कार्की यसरी रोईन
सर्वोच्चको आदेश पालना हुनुपर्ने माग राखी आमरण अनशनरत गंगामाया अधिकारीलाई भेट्न बिहीबार वीर अस्पताल पुगेकी पूर्वप्रधानन्यायाधीश सुशीला कार्की आइसियुमा पस्ने बित्तिकै भावविह्ल भएकी छन् ।
सँधै जसो कडा मुद्रामा देखिने पूर्वप्रधानन्यायाधीश कार्कीको आँखा रसाएको दृश्यले उनी लगायत साथमा भएका अन्य मानवअधिकारवादी र अधिवक्ताहरुलाई पनि भावुक बनायो ।
‘तपाईं साहसको प्रतिमूर्ति हुनुहुन्छ, न्यायको लागि यत्रो तपस्या गर्ने दुनियाँमा अर्को कोही छैन’ कार्कीले भनिन्, ‘व्यवहारिक रुपमा तपाईले जितिसक्नु भएको छ, आज सारा दुनियाँ तपाईंको साथमा छ ।’
कानुन पालनाको सामान्य अवस्थामा पनि हत्यारालाई छाड्न नमिल्ने भन्दै यस्तो त्याग र जीवनको उत्सर्ग गर्ने गंगामायाको मुद्दामा त जित उनको निश्चय नै हुने कार्कीले बताएकी थिइन् ।