सुखडको मोबाइल पसलमा चोरी
बिशाल पाण्डेय /सुखड ।
कैलालीको घोडाघोडी नगरपालिका वडा नं १ सुखड बजारको एक मोबाइल पसलमा चोरी भएको छ ।
सुखड – भजनी रोडमा रहेको न्यू सि.जि.मोबाइल प्वाइन्ट बाट गएराति करिब १ लाख ५० हजार बराबरको सामान चोरि भएको संचालन बिजय चौधरीले बताए । चोरी हुने समानमा महंगा एनड्रोइड मोबाइल ,पेनड्राइभ ,ब्याट्री,रिचार्ज कार्ड,नगद पैसा सहित अन्य समानहरु रहेको चौधरीले बताए ।
चोरी गर्दा पसलको माथी पट्टी भित्तामा रहेको भेन्टिलेसन बाट पसेर चोरी भएको ईलाका प्रहरी सुखडले जनाएको छ । भेन्टिलेसन सानो भएको हुँदा चोरी गर्दा बालबालिका प्रयोग गरिएको प्रहरीले बताएको छ । फरार चोरहरूको खोजतलास गर्नुका साथै हात तथा खुट्टाको छाप फेला परेको हुँदा अनुसन्धानमा अझै सहजता हुने प्रहरीले बताएको छ ।
सुखड बजारमा केहि दिन अघि पनि लामो समय देखी भारतीय नागरिकले संचालन गर्दै आएको किराना तथा तरकारी पसल चोरी भएको थियो ।
रातिको समयमा प्रहरीले बेला बेलामा गस्ती गरे पनि बजार क्षेत्रमा चौकिदारी नहुदा चोरीका घटनाहरु भइरहेको स्थानीय तथा ब्यापारीहरुले बताएका छ्न ।