सुखडको एक होटलबाट १३ जना जुवाडे पक्राउ

विशाल पाण्डेय / सुखड,कैलाली ।

कैलालीको घोडाघोडी नगरपालिका -१ सुखड वजारमा रहेको एक होटेलबाट १३ जना जुवाडे पक्राउ परेका छन ।

पुर्व पश्चिम् राजमार्गको छेउमै रहेको मिलन होटेलबाट १३ जना जुवाडेलाइ रंगेहात प्रकाउ गरीएको इलाका प्रहरी कार्यालय सुखडका प्रहरी प्रमुख यक्षराज जोशीले जानकारी दिए ।

उक्त होटेलमा सधैजसो जुवातास खेलाइने गरेको भन्ने विषेश सुचनाका आधारमा छापामार्दा जुवा खेलिरहेका ठाउँबाट ४० हजार ३ सय ९५ रुपैयाँ सहित १३ जना जुवाडे पक्राउ परेको इलाका प्रहरी कार्यालय सुखडका प्रहरी प्रमुख जोशीले हिमाल पोस्टलाई बताए ।

पक्राउ परेकाहरु अहिले सुखड प्रहरी कार्यालयको हिरासतमा राखिएपनि केही बेरमा उनिहरुलाई जिल्ला प्रहरी कार्यालय धनगढी पठाउने तयारी भएको जोशीले वताए । पक्राउ परेकाहरुको नाम भने सार्वजनिक गरिएको छैन ।