मलाई भोट नदिनेहरू नर्कमा जानेछन्: केशव स्थापित

काठमाडौं महानगरपालिकाको एमालेका मेयर उम्मेदवार केशव स्थापितले फेरि विवादित अभिव्यक्ति दिएका छन् । उनले आफूलाई भोट नहाले नर्कमा पुग्ने अभिव्यक्ति दिएका छन्।

लगातार विवादमा आइरहेका स्थापितले आफूलाई भोट नहाल्नेहरू नर्कमा जाने भन्दै मतदातालाई धम्क्याएका छन् । सोमबार काठमाडौंको त्रिपुरेश्वर–११ वंशिघाटमा आयोजित कार्यक्रमलाई सम्बोधन गर्दै स्थापितले यस्तो बताएका हुन्।

कार्यक्रमलाई सम्वोधन गर्दै अथापिताले भने, ‘यो ठाउँको असजिलो पर्दा म अगाडि उभिएको हुँ, यहाँ मेरो अधिकार पनि लाग्छ, यहाँका कोही दाजुभाइले मलाई भोट हालेन भने त्यो मान्छे नर्कमा जान्छ।’

काठमाडौं महानगरको मेयरको उम्मेदवार रहेका स्थापितले कहिले प्रतिस्पर्धी त केहीले प्रश्नकर्ता मतदातालाई तथानाम बोल्दै आएका छन् । उनलाई निर्वाचन आयोगले आचार संहिता उलंघन गरेको भन्दै पटकपटक सचेत गराउंदै आएको छ ।