सर्वोच्चमा बहस चल्दैगर्दा राष्ट्रपति भेट्न पुगे प्रधानमन्त्री
काठमाडौँ– संसद विघटनविरुद्ध सर्वोच्च अदालतको संवैधानिक इजलासमा बहस भैरहेका बेला प्रधानमन्त्री केपी शर्मा ओली राष्ट्रपतिलाई भेट्न शीतलनिवासमा पुगेका छन् ।
प्रधानमन्त्रीओली र राष्ट्रपति विद्यादेवी भण्डारीबीच शीतलनिवासमा केहीबेर छलफल भएको बताइएको छ । आइतबार राष्ट्रपति निवासमा उनीहरुबीच भेटवार्ता भएको हो।
प्रधानमन्त्रीले समसामयिक परिस्थितिबारे राष्ट्रपतिलाई बिफ्रिङ गरेको बताइएको छ । तर भेटमा भएका कुराकानीबारे बाहिर खुलाइएको छैन।
संसद पुनर्स्थापनाको बिषयमा सर्वोच्चमा बहस चलिरहेकै समयमा प्रधानमन्त्री र राष्ट्रपतिबिचको भेटलाई अर्थपूर्ण तरिकाले हेरिएको छ ।