शंकर पोखरेलले दिए प्रचण्ड र पत्रकारलाई कार्यक्रमको निम्तो
काठमाडौं- नेकपा ओली समुहका नेता तथा लुम्बिनी प्रदेशका मुख्यमन्त्री शंकर पोखरेलले नेकपा अध्यक्ष पुष्पकमल दाहाल प्रचण्डलाई बुटवल आउन निम्तो दिएका छन् । पोखरेलले बुटवलमा हुने सभालाई हेर्न आउन प्रचण्ड र पत्रकारलाई निम्तो दिएका हुन् ।
नेकपा प्रचण्ड-नेपाल समुहले बुधवार राजधानीमा आयोजना गरेको सभामा अध्यक्ष पुष्पकमल दाहाल ‘प्रचण्ड’ले ओलीलाई सभा कस्तो हुन्छा भनेर हेर्न आउन भनेका थिए । प्रचण्डले भनेका थिए, ‘केपीजी देख्नुभयो सभा कस्तो हुन्छ ?’
यसैको जवाफमा मुख्यमन्त्री पोखरेलले सामाजिक संजालमार्फत जनसभा कस्तो हुन्छ हेर्नका लागि बुटवल आउन प्रचण्ड र पत्रकारलाई चुनौती दिएका छन्।
प्रचण्डले बोलेको वाक्यको जवाफ फर्काउँदै पोखरेलले फेसबूकमा लेखेका छन्– ‘देशभरिको होइन, एउटै प्रदेशका जनताको जनसहभागिता कस्तो हुन्छ हेर्न फाल्गुन १ गते बुटवलमा स्वागत छ राजधानीका पत्रकार मित्रहरूलाई ।’
नेकपा ओली समुहले फागुन १ गते बुटवलमा जनसभा गर्दैछ । यहि जनसभालाई लक्षित गर्दै उनले प्रचण्ड र पत्रकारलाई निम्तो दिएका हुन् ।
