सन्दीपले लिए हैदरावादको महत्वपुर्ण विकेट
एजेन्सी । भारतमा जारी १२ औं संस्करणको इण्डियन प्रिमियर लिग (आईपीएल) क्रिकेटमा दिल्ली क्यापिटल्स र सनराइजर्स हैदरावादबीच खेल भईरहेको छ ।
फिरोज कोट्ला स्टेडियममा दिल्लीले दिएको १३० रनको लक्ष्यसहित हैदरावादले जवाफी ब्याटिङ गरिरहेको छ ।
दिल्लीमा रहेका नेपाली लेग स्पिनर सन्दीप लामिछानेले आफ्नो चौंथो ओभरमा विकेट लिएका छन् । सन्दीपले चौंथो ओभरको अन्तिम बलमा विकेट लिएका हुन् ।
यसअघि सन्दीपले तेस्रो ओभरमा मात्र ५ रन खर्चिए । सन्दीपले दोस्रो ओभरमा १३ रन खर्चिएका थिए । सन्दीपले दोस्रो ओभरमा एक चौका र एक छक्का भेटेका थिए ।
सन्दीपले पहिलो ओभरमा भने ६ रन खर्चिएका थिए ।
यसअघि टस हारेर ब्याटिङ गरेको दिल्लीले २० ओभरमा ८ विकेट गुमाएर १२९ रन बनाएको थियो ।