सन्दिपले खेल्नै नपाई डेयरडेभिल्स आइपिएलबाट बाहिरिने खतरा !
काठमाडौं । भारतमा भइरहेको इन्डियन प्रिमियर लिग क्रिकेटमा मुम्बई इन्डियन्स लगभग बाहिरिने अवस्थामा पुगेको छ । हिंजो भएको खेलमा उसले राम्रो प्रदर्शन गर्न नसक्दा यस्तो अवस्था आउने सम्भावाना छ ।
उता लगातार हार बेहोरेको सन्दिप लामिछाने अनुबन्धित भएको टीम दिल्ली डेयरडेभिलसको पनि अवस्था झन्डै उस्तई छ । बुधावार राति हुने खेलमा पनि राम्रो प्रदर्शन गर्न सक्दैन भन्ने विश्लेषकहरु बताउँछन् ।
बुधबार राति दिल्लीको भिडन्त राजस्थान रोयल्ससंग हुँदैछ । दिल्लीको ८ खेलबाटै ४ अंक छ । दिल्ली पुछारमा छ । राजस्थानविरुद्ध घरेलु मैदान दिल्लीमै हुने खेलमा पराजित भयो भने दिल्ली पनि प्लेअफ खेल्ने सम्भावनाबाट बाहिरिने पक्का हुनेछ ।
दिल्लीले खेलुन्जेल सन्दीप लामिछानेले पनि डेब्यु गर्ने सम्भावना रहन्छ । तर के गर्लान् त सन्दीपले भन्ने चासो कायमै छ ।
एकातिर दिल्ली जित पर्खेर बसेको छ भने अर्कोतिर सन्दीपले खेल पर्खेर बसेका छन् । पछिल्लोपटक टिमका कप्तान गौतम गम्भीरले राजिनामा दिएपछि २३ वर्षीय श्रेयस ऐयर कप्तान बने उनीबाट धेरै आशा गरिएको थियो तर टीम सेटिंग देखि संयोजन राम्रो गर्न नसकेको उनीमाथि आरोप छ ।