२०७६ असार २, सोमवार

बीबीसी लेख्छ – सन्दीप लामिछानेको मूल्य महंगियो

May 23, 2019
71 Views

विश्वका ठूला व्यावसायिक क्रिकेट लिग खेलेर तहल्का मच्चाएका नेपाली स्पिनर सन्दीप लामिछाने क्यारेबियन प्रिमियर लिग (सीपीएल) को खेलाडी खरिद विक्री (अक्सन) मा महँगो मूल्यमा बिक्री भएका छन् ।

इंग्ल्याण्डमा बुधवार राती भएको ड्राफ्टमा सन्दीपलाई बार्बाडोस ट्रिडेन्टस् क्लबले ७० हजार अमेरिकी डलरमा किनेको जनाइएको छ। जुन नेपाली रुपैयाँ करिब ७८ लाख हुन आउँछ।

उच्च मूल्य

सन्दीपले यस्ता लिगमा पाएको यो अहिले सम्मको उच्च मूल्य हो।

आफू नयाँ टोलीमा छानिए लगत्तै सन्दीपले सामाजिक सञ्जाल ट्वीटरमा लेखेका छन्, “म उत्साहित छु। एउटा नयाँ परिवारको सदस्य हुन म निकै व्यग्रताकासाथ प्रतीक्षामा छु।”

गत सिजनमा उनले खेलेका यस्ता फ्रेञ्चाइजी लिगमध्ये सन्दीपले सबैभन्दा बढी अष्ट्रेलियाको चर्चित लिग बिग बासमा ५० हजार अमेरिकी डलर पाएको बताइएको छ।

त्यसपछि क्यानडामा सम्पन्न ग्लोबल टि-२० लिग मा ४० हजार डलरमा छानिएका सन्दीपले अफगानिस्तान प्रिमियर लिगमा १५ हजार डलर तथा टि-२० लिगमा ३० हजार डलर मूल्य पाएका थिए।

गत वर्षको सिजनमा सन्दीपलाई ५ हजार डलरमा सेन्ट किट्स एण्ड नेभिस प्याट्रीएट्सले खरिद गरेको थियो।

भारतको चर्चित व्यावसायिक प्रतियोगिता आइपीएलमा गत वर्ष पहिलो नेपाली खेलाडीका रुपमा ३२ लाख रुपैयाँमा अनुबन्ध भएका सन्दीपले त्यसपछि आफ्नो व्यावसायिक जीवनमा पछाडि फर्केर हेर्नु परेको छैन।

सन्दीपसँगै पहिलो पटक विदेशी व्यावसायिक क्रिकेट लिगको ड्राफ्टमा परेका नेपाली खेलाडीहरू सोमपाल कामी, दिपन्द्र सिंह ऐरी र रोहित पौडेललाई भने कुनै पनि क्लबले खरिद गरेनन्।

यो सिजनको क्यारेबियन प्रिमियर लिग अगस्ट २१ देखि सेप्टेम्बर २७ सम्म वेस्ट इन्डिजमा आयोजना हुने तय भएको छ।

सीपीएल टि-२० को अघिल्लो सिजनमा सन्दिपले सेन्ट किट्स एण्ड नेभीस प्याट्रीएट्सको लागि ५ खेलमा कुल ७ विकेट लिएका थिए।

सीपीएल टि-२० मा कुल ६ टिम रहेका छन् । जसमा बार्बाडोससँगै गुयना एमजन वारियर्स, जमैका तल्लावाज, सेन्ट किट्स एण्ड नेभिस प्याट्रीएट्स, सेन्ट लुसिया स्टार्स र ट्रिन्बागो नाइट राइडर्स रहेका छन्।

Facebook Comments

सम्बन्धित खवर

बझाङमा जिप दुर्घटना : ९ जनाको मृत्यु ,चार घाइते
समाचार
shares4 views
समाचार
shares4 views

बझाङमा जिप दुर्घटना : ९ जनाको मृत्यु ,चार घाइते

विशाल पाण्डेय - २०७६, २ असार १७:३९

कैलाली । बझाङमा जिप दुर्घटना हुँदा ९ जनाको मृत्यु भएको छ भने चार जना घाइते भएका छन् । बझाङको सदरमुकाम…

जादुगरलाई जादुले धोका दिएपछि…..
अन्तराष्ट्रिय
shares11 views
अन्तराष्ट्रिय
shares11 views

जादुगरलाई जादुले धोका दिएपछि…..

Himalpost Desk - २०७६, २ असार १७:००

कोलकाता । भारतको पश्चिम बङ्गालका जादु देखाउन भन्दै हातखुट्टा बाँधेर नदीमा हामफालेका एक प्रख्यात जादुगर बेपत्ता भएका छन् । नदीमा…

बझाङमा जिप दुर्घटना – ६ को मृत्यु, ६ गम्भीर
समाचार
shares10 views
समाचार
shares10 views

बझाङमा जिप दुर्घटना – ६ को मृत्यु, ६ गम्भीर

Himalpost Desk - २०७६, २ असार १६:५२

बझाङ – बझाङ सदरमुकाम चैनपुरनजिकै रहेको डुङ्रीबाट मष्टा गाउँपालिका जाँदै गरेको स. १ ज १०७२ नम्बरको जिप  डौठी भन्ने ठाँउमा…