कैलालीको घोडाघोडीमा सालको गोलिया बरामद
विशाल पाण्डेय / सुखड,कैलाली ।
कैलालीको घोडाघोडी नगरपालिकामा लुकाइराखेको अवस्थामा सालको गोलिया फेला परेको छ ।
घोडाघोडी नगरपालिका -९ शिखरझालामा विशेष सुराकीको आधारमा परालले छोपी लुकाइराखेको अवस्थामा सालका ७ थान गोलिया फेला परेको ईलाका प्रहरी कार्यालय सुखडका प्रमुख यक्ष राज जोशीले जानकारी दिए ।
जोशिका अनुसार , शनिबार साझ सुराकीको आधारमा करिब १०५ क्युफिट बराबरको गोलिया बरामद गरिएको हो । उनले भने, बरामद गरिएको काठ अनुसन्धानका लागि वन डिभिजन कार्यालय पहलमानपुरमा बुझाइएको छ ।’
नियमित रेखदेख नहुँदा घोडाघोडी नगरपालिकाका विभिन्न वनक्षेत्रबाट तस्करहरुले दैनिक काँचो काठ दाउरा तस्करी गरिरहेको स्थानीय बासिन्दाले बताएका छन् ।