बंगलादेशका क्रिकेटर शकिबले बनाए यस्तो किर्तिमान
एजेन्सी- बंगलादेशका अलराउन्डर शकिब अल हसनले विश्वकपको पाँचौ खेलमा आइतवार दक्षिण अफ्रिकाविरुद्धको खेलमा एक विकेट लिँदै आफ्नो नाममा एक कीर्तिमान बनाए ।
खेलको १९.४ ओभरमा एडेन मार्करमको विकेट लिँदै उनी एक दिवसीय क्रिकेटमा ५ हजार रनसँगै २५० विकेट लिने पाँचौ अलराउन्डर बने ।
पाँच हजार रनसँगै २५० विकेट लिने खेलाडीको शीर्षस्थानमा श्रीलंकाका पूर्वक्रिकेटर सनथ जयसूर्या छन् ।
उनले एक दिवसीय क्रिकेटमा १३ हजार ४ सय ३० रनसँगै ३२३ विकेट लिएका छन् ।
त्यस्तै दोस्रो स्थानमा दक्षिण अफ्रिकाका ज्याक कालिसको नाम छ । उनले ११ हजार ५ सय ७९ रन र २७३ विकेट लिएका छन् ।
सूचीको तेस्रो र चौथो स्थानमा क्रमश: शाहिद अफ्रिदी (८०६४ रन, ३९५ विकेट) र अब्दुल रजाक (५०८० रन, २६९ विकेट)को नाम छ ।