प्रहरीका सइ २४ हजार घुस लिंदा रङ्गेहात पक्राउ
काठमाडौं । अख्तियार दुरुपयोग अनुसन्धान आयोगको टोलीले काठमाडौंको महाराजगञ्र्ज स्थित एक प्रहरीलाई २४ हजार घुस लिंदा लिंदै पक्राउ गरेको छ ।
पक्राउ पर्नेमा महानगरीय प्रहरी वृत्त दरबारमार्गका प्रहरी नायब निरीक्षक सइ विरेन्द्र एडी रहेका छन् । उनलाई घुस लिँदै गर्दा रंगेहात पक्राउ गरेको अख्तियारले जनाएको छ।
आयोगका अनुसार २०६३ मा असइबाट प्रहरी सेवामा प्रवेश गरेका एडी दरबारमार्ग अघि काठमाडौंका विभिन्न वृत्त र प्रभागमा कार्यरत थिए।
प्रहरीले धम्की दिँदै रकम असुली गरिरहेको उजुरीको आधारमा प्रहरीले उनीमाथि निगरानी गरिरहेको थियो।
उनिमाथि थप अनुसन्धान भईरहेको प्रहरीले जनाएको छ