भोलीदेखि सवारी साधन चल्न र पसल खोल्न दिने सरकारको निर्णय
काठमाडौं- सरकारले लकडाउन खुकुलो बनाउने निर्णय गरेको छ । मन्त्रिपरिषद् बैठकले लकडाउन खुकुलो बनाएर जनजीवन सहज बनाउने निर्णय गरेको छ ।
भर्खरै सकिएको मन्त्रिपरिषद् बैठकले लकडाउन खुकुलो बनाउने निर्णय गरेको एक मन्त्रीले बताए । उनका अनुसार बिहीबार ३ बजे लकडाउनको मोडालिटी सार्वजनिक गरिनेछ ।
बुधबार साँझ बसेको मन्त्रिपरिषद् बैठकले लक डाउन खुकुलो पार्दै जोर बिजोर प्रणालीबाट निजी सवारी साधन चल्न दिने र पसल खोल्न दिने निर्णय गरेको हो ।