रुखबाट लडेर कञ्चनपुरमा एकको मृृत्यु 

कञ्चनपुर । कञ्चनपुरमा रुखबाट लडेर एक जनाको मृत्यु भएको छ ।

बेदकोट नगरपालिका- ४ बैतोडाका अन्दाजी ४९ वर्षीय गणेश दत्त भट्टको आइतबार अपरान्ह रुख बाट लडेर मृत्यु भएको हो ।

घरनजिकैको रुखमा चढेर स्याउला काँटदै गरेका भट्ट लडेर सक्त घाइते भएपछि उपचारका लागि कैलालीको धनगढीस्थित सेती अञ्चल अस्पतालतर्फ लैजाँदै गर्दा मृत्यु भएको मृतकका छिमेकी राजुराम सार्की भुलले बताए । मृतकको शव अहिले घरमा ल्याइएको छ।