राप्रपा मत परिणाम: थापालाई पछि पार्दै लिङ्देनले बढाए मतान्तर

काठमाडौं – राष्ट्रिय प्रजातन्त्र पार्टीको नयाँ नेतृत्वका लागि भएको मतदानमा अध्यक्षका प्रत्यासी राजेन्द्र लिङ्देनले अग्रता बढाउँदै लगेका छन् ।

२ हजार ९६४ मत गणना हुँदा लिङ्देनले १३७१ र थापाले १२५४ मत पाएका छन् । एकसय बढी मतान्तरले लिङदेनले सुरुवातदेखि नै अग्रता कायम राखेका छन् ।

पछिल्लो परिणामअनुसार थापा ११७ मतले पछि परेका छन् । ३३९ मत बदर भएको निर्वाचन समितिले जनाएको छ ।

राप्रपाको शनिबार अबेर रातिसम्म सम्पन्न भएको मतदानमा ३ हजार ८ सय ७३ जनाले मतदान गरेका थिए । ४ हजार ३ सय ७९ महाधिवेशन प्रतिनिधि मध्ये ५०६ जनाले मतदानमा भाग नलिएको निर्वाचन समितिले जनाएको छ ।