किन छाड्दैछन रोनाल्डोले रियल मड्रिड ?

एजेन्सी । स्पेनिस क्लब रियल मड्रिडका स्टार स्ट्राइकर तथा पार्चुगल फुटबल टिमका कप्तान क्रिष्टियानो रोनाल्डोले रियल मड्रिड क्लब छाड्ने पक्का भएको छ ।

पोर्चुगिज मिडियालाई उद्धृत गर्दै स्पेनिस अनलाइन मार्काले रियल क्लबका अध्यक्ष फ्लोरेटिनो पेंरेजसँग सम्झौता करारमा कुरा नमिल्ने भएपछि रोनाल्डोले रियल छाड्ने पक्का भएको जनाएको छ ।

रियल मड्रिडका डाइरेक्टर जोसे एन्जेल साञ्चेजले रोनाल्डोका प्रतिनिधि जोर्ज मिन्डस्सँग बिहीबार भेट गरेर रोनाल्डोको रियलसँगको सम्झौता बारेमा छलफल गरेका थिए । तर रानोल्डोका प्रतिनिधिको मागअनुसार रियलले रकम दिन नसक्ने बताएपछि रोनाल्डोले रियल छाड्ने पक्का भएको हो ।

रोनाल्डोको क्लबका अध्यक्ष पेंरेजसँग असन्तुष्टि भएको मार्काले जनाएको छ । पेंरेजले गरेका प्रतिबद्धता पूरा नगरेको भन्दै रानोल्डोले असन्तुष्टि जनााएका छन् । जुन प्रतिबद्धता पैसाका लागि नभएको रोनाल्डोको भनाई छ ।

रोनाल्डोको जिनेदिन जिदानसँग राम्रो सम्बन्ध छ । जिदानकै प्रशिक्षकमा रोनाल्डोले च्याम्पियन्स लिगमा रेकर्ड बनाएका थिए । रोनाल्डोलाई फ्रान्स, इटाली र इंग्लयाण्ड मध्य एक देशको क्लब रोनाल्डोको अबको गन्तव्य हुने बताइएको छ ।