विष्णु रिमालको दाबी: गठबन्धनले मनाउने अन्तिम “उत्सव” सकियो
नेकपा एमालेका नेता विष्णु रिमालले गठबन्धनले मनाउने अन्तिम “उत्सव” सकिएको बताएका छन् । राष्ट्रिय सभाको निर्वाचन गठबन्धनका लागि अन्तिम उत्सव भएको उनको भनाई छ ।
उनले अपहरित पुरानो जनमतको बलमा गठबन्धनले मनाउने अन्तिम “उत्सव” सकिएको बताउँदै सतर्क रहन आग्रह गरेका छन् ।
उनले ट्विटरमा लेखेका छन् :
सतर्क होऔं !
राष्ट्रियसभाको हिजो संपन्न निर्वाचनबाट
अपहरित पुरानो जनमतको बलमा गठबन्धनले मनाउने अन्तिम “उत्सव” सकियो।
चौतर्फी घेरा तोडेर विजयी सोनाम गेल्जेन शेर्पालाई हार्दिक बधाई !
एमालेका संपूर्ण प्रतिष्पर्धी उम्मेदवार तथा सहयोगी सबैलाई धन्यवाद !
अब हुने निर्वाचन ‘रियल’ हो,जसले नयाँ जनादशेको मानक तय गर्नेछ।
स्पष्ट छ, निर्वाचन हुँदा एक्लो एमाले सिङ्गो गठबन्धनमाथि भारी हुने भएकैले उनीहरु चुनावबाट भाग्ने बहानावाजी गर्दैछन्।संबिधान र कानुनमा छिद्र पार्दै त्यसबाट छिरेर मिहेनतका साथ जारी गरिएको संबिधान च्यात्ने धुनमा उनीहरु छन।