एमालेभित्रै हुनथाल्यो भीम रावलको चर्को आलोचना

काठमाडौं- सुदुरपश्चिममा निकै पकड बनाएका भीम रावल अहीले आफ्नै गडमा कमजोर बनेका छन् । सुदुरपश्चिम प्रदेशका बहुमत सांसदहरुले नेकपा एमालेका उपाध्यक्ष भीम रावलको साथ छोडेर नयाँ पार्टी रोजेका छन् ।

नेकपा एमालेबाट निर्वाचित सुदुरपश्चिम प्रदेश सभाका १३ जना सांसदहरु नेकपा (एकीकृत समाजवादी) पार्टीतिर लागेका छन् ।माधव कुमार नेपालले नेतृत्व गरेको समाजवादी पार्टीमा मंगलवार १० जना सांसदले सनाखत गरिसकेका छन् भने थप तीन जनाले सनाखत गर्दैछन् ।

जसमा आन्तरिक मामिला तथा कानुनमन्त्री पूर्णा जोशी, सामाजिक विकासमन्त्री लालबहादुर खड्का, सांसदहरु बलबहादुर सोडारी, अम्मर साउद, चुनकुमारी चौधरी, मना साउद, कुलवीर चौधरी, सुशीला बुढाथोकी, दुर्गा कामी र माया भट्ट छन् । यद्यपी मंगलवार सनाखत गर्ने १० जना सांसदमध्ये ६ जना समानुपातिक हुन ।

भौतिक पूर्वाधार विकासमन्त्री दीर्घ सोडारी, सांसदहरु तारा लामा तामांग र अर्चना गहतराजले आजै हस्ताक्षर गर्ने भनिएपनि अन्तिममा उनिहरुले हस्ताक्षर गरेका छैनन । उनिहरुले दस्तावेज नपुगेका कारण सनाखत गराउन नपाएको बताइको छ । तिनै जना सांसद बुधवार सनाखत गराउने तयारीमा छन् । तर, कतिपयले रावल धनगढी आउंन लागेकाले उनिहरु पछि हटेको बताइएको छ ।

एमालेको सुदुरपश्चिम प्रदेशमा २५ जना सांसद छन् । एमालेको विवादमा नेपाल पक्षमा यसअघि १७ सांसद उभिएका थिए । समाजवादीतिर लागेका १३ जना सांसदहरु उपाध्यक्ष रावल निकट सांसदहरु हुन । रावलले एमाले रोजेसंगै उनि निकट प्रदेश सांसदहरुले भने उनको साथ छोडेका छन् ।

माधव नेपाल समुहमा रहेका बेला नेता रावलको सुदुरपश्चिममा प्रभाव थियो । तर, एमाले विभाजन हुंदा उनले नेपाललाई साथ नदिएपछि उनी सुदुरपश्चिममा कमजोर बनेका हुन ।नेपाल नेतृत्वमा लागेका पार्टीका सांसदहरुले भने सांसदहरुको संख्या अझै बढ्न सक्ने दावी गरेका छन् ।

एमालेमै रावलको चर्को आलोचना

सुदूरपश्चिम प्रदेशमा आफ्नै सांसदहरूले छोडेपछि रावलको एमालेमै चर्को आलोचना भएको छ । सुदूरपश्चिममा एमाले कमजोर भएकैले एमाले अध्यक्ष केपी शर्मा ओलीले रावललाई आफ्नो पक्षमा ल्याएको चर्चा चलिरहेका बेला रावलकै सांसदहरूले पार्टी छोडेपछि आलोचनाको शिकार बनेका छन् ।

एमालेमा हुँदा लामो समय नेपाल समूहमा रहेर सहयोग गरेका रावल अन्तिम समयमा ओले पक्षमा लागेका थिए । उनी ओली पक्षमा लाग्दै गर्दा सुदूरपश्चिममा आफ्नो पकड बनाउन ओलीले रावललाई आफ्नो समूहमा ल्याएको चर्चा चलेको थियो ।

एकाएक नेपालको साथ् छाडेर ओली समूहमा लागेपछि भारतीय गुप्तचरसँग भेटेकोदेखि आर्थिक प्रलोभनमा परेको चर्चा सामाजिक संजालमा ब्याप्त थियो । सुदूरपश्चिममा एमाले बनाउन निकै ठुलो प्रयत्न गरेका ओली समूहले बहुमत सांसद गुमाएपछि रोक्न नसकेको भन्दै रावलको विरोध गरिरहेका छन्।

पार्टीभित्रै च्घर्को आलोचनामा परेपछि रावल थप तनावमा परेको बताइएको छ । रावल यहि तनावका कारण सुदूरपश्चिम हानिएको बुझिएको छ ।