भीम रावलको पक्षमा खुले घनश्याम, कति मत ल्याउलान रावलले ?

काठमाडौँ । नेकपा एमालेका नेता घनश्याम भुसालले आफू अध्यक्ष पदका उम्मेदवार भीम रावलको पक्षमा रहेको बताएका छन् ।

सौराहामा निर्वाचनको तयारी भइरहेका बेलामा उनले आफू भीम रावलको पक्षमा रहेको बताएका हुन् ।

रावलको पक्षमा वकालत गर्दै भूसालले भने, ‘म भीम रावलको पक्षमा पहिलेदेखि उभिएको छु । जहिलेदेखि भीम रावलमाथि अत्याचार भएको छ, त्यही बेलादेखि उभिराखेको छु ।’

महाधिवेशनमा पदाधिकारी छान्ने जिम्मेवारी केपी शर्मा ओलीले पाउँदा रावलले असन्तुष्टि जनाएका थिए । रावलले ओलीले निर्वाचनमा धाँधली गर्न खोजेको आरोपसमेत लगाएका छन् ।