यस्तो छ नयाँ वर्षको राशिफल

वि.स. २०७५ साल वैशाख १ गते। शनिवार। इश्वी सन् २०१८ अप्रिल १४ तारिख। शकसंवत् १९४०। विरोधकृत् संवत्सर। उत्तरायण। वसन्त ऋतु। नेपाल संवत् ११३८ चौलागा। वैशाख कृष्णपक्ष। तिथि– त्रयोदशी, ८:०९ बजेउप्रान्त चतुर्दशी। नक्षत्र– उत्तरभाद्रपदा, २८:०४ बजेउप्रान्त रेवती। योग– ऐन्द्र, बजेउप्रान्त । करण– वणिज, ८:९ बजेदेखि भद्रा, बजेउप्रान्त शकुनि। आनन्दादिमा धूम्र योग। चन्द्रराशि– मीन। काठमाडौँमा सूर्योदय– बजे, सूर्यास्त– बजे र दिनमान ३१ घडी ५१ पला। नववर्ष वि.स. २०७५ प्रारम्भ। वैशाख संक्रान्ति।

मेष(चू,चे,चो,ला,लिई,लू,ले,लो,अ) : काममा सफलता पाउन निकैनै मेहनत गर्नुपर्नेछ । सामाजिक काममा सहभागी हुने अवसर मिलेपनि उपलब्धि भने न्यून हुनेछ । आकस्मिक यात्राको योग रहेको छ । दाम्पत्य जीवनमा सामान्य खटपट हुन सक्छ ध्यान दिनुहोला । स्वास्थ्यमा सुधार आउनेछ । परिवारको सहयोगमा महत्त्वपूर्ण काम गर्ने अवसर मिल्नेछ । वैदेशिक यात्रामा सफलता मिल्नेछ । अध्ययन अध्यापनमा सन्तोषजनक प्रगति हुनेछ ।

बृष (ई,ऊ,ए,ओ,वा,बि,वू,वे,वा) : व्यापार व्यावासायमा लगानी गरी भनेजस्तो आम्दानी गर्न सकिनेछ भने कुनै पनि आर्थिक कारोबारमा सफलता मिल्नेछ । दाजुभाइ तथा आफन्तको सहयोगले बिलाशी सामान तथा सवारी साधनको प्रयोग गर्न पाइने योग रहेको छ । साहित्यमा रुचि बढ्नेछ । शैक्षिक क्षेत्रमा लगानी गर्ने अवसर मिल्नेछ । प्रेमी प्रेमिकाबिच सम्बन्धमा सुधार आउनेछ । रमाइलो यात्राको योग रहेको छ । कृषि काममा प्रगति हुनेछ ।

मिथुन(का,की,कू,घ,ङ,छ,के,को,हा): व्यापारमा लगानी गरी मनग्गे आम्दानी गर्न सकिने समय रहेको छ । समाजका विशिष्ट व्यक्तिसँगको सम्बन्धले काममा सफलता मिल्नेछ । राज्यबाट मानसम्मान मिल्नेछ । कामकै सवालमा विदेश यात्राको योग रहेको छ । पारिवारिक सम्बन्धमा सुधार आउनेछ । गरेका कामबाट राम्रो प्रतिफल मिल्नेछ । स्वास्थ्यमा सुधार आउनेछ । पति पत्नीबिच सम्बन्ध सुमधुर रहनेछ । लेखन काममा रुचि बढ्नेछ ।

कर्कट (ही,हु,हे,हो,डा,डी,डु,डे,डो): लामो दुरीको धार्मिक तथा शैक्षिक यात्राको प्रशस्त सम्भावना रहेको छ । अस्वस्थताले काममा ढिलासुस्ती हुन सक्छ। नयाँ योजना कार्यान्वयनमा ल्याउन मुस्किल पर्ला। पढाइलेखाइमा पनि प्रगति गर्न नसकिने र व्यापार व्यवसायमा समेत सोचेको फाइदा नउठ्ने देखिन्छ। आफूलाई कमजोर भएको अनुभूति हुनेछ। निराश नहुनुहोस्, केही समय पर्खँदा स्थितिमा सुधार आई अवश्यै उन्नति हुनेछ।

सिंह (मा,मी,मू,मे,मो,टा,टी,टू,टे): खर्च बढ्नुका साथै आर्थिक सङ्कटले सताउन सक्छ। व्यापार व्यावासायमा लगानी नबढाउनुनै राम्रो रहनेछ । समय र नियमलाई बेवास्ता गर्दा चुनौती आइलाग्नेछन्। दण्ड वा जरिवानामा परिने सम्भावना छ। छर–छिमेकमा पनि असमझदारी बढ्न सक्छ। तापनि, प्रतिस्पर्धाबाट सामान्य फाइदा उठ्नेछ। स्थानान्तरण वा टाढाको यात्रा सम्भावना छ। आफन्त तथा दिदीबहिनी सँग मनमुटब सिर्जना हुनेछ ।

कन्या (टो,पा,पी,पू,ष,ण,ठ,पे,पो): तार्किक क्षमताबा वृद्धि भएर जानेछ भने बानीमा थप निखारता आउने हुनाले नाम तथा दाम दुवै कमाउन सकिनेछ । एकल तथा साझेदारी व्यापार फस्टाएर जानेछ भने व्यापारकै सिलसिलामा रमाइलो यात्राको तय हुनेछ । माया प्रेममा नजिक हुने समय रहेको छ भने विपरीत लिङग प्रतिको आकर्षण बढेर जानेछ । पढाइमा अरूभन्दा एक कदम बढी सफलता हात पार्न सकिनेछ ।

तुला (रा,री,रु,रे,रो,ता,ती,तू,ते): परिवार तथा आफन्त सँगको सम्बन्ध सुमधुर हुनेछ । राजनीतिक काममा सफलता मिल्नेछ । नोकरीमा पदोन्नतिको योग रहेको छ । अध्ययन अध्यापनमा सफलता मिल्नेछ । सामाजिक काममा रुचि बढ्नेछ । घरायसी काममा रुचि बढ्नेछ । व्यापार व्यवसायबाट धेरै फाइदा मिल्नेछ । न्यायिक निर्णयहरू तपाइकै पक्षमा हुनेछन् ।

बृश्चिक (तो,ना,नि,नू,ने,नो,या,यी,यु): काम बढेपनि आम्दानी भने न्यून हुनेछ । न्यून पारिश्रमिकमा दिनभर समय खर्चिनु पर्दा मन खिन्न हुनेछ । आफन्त तथा दिदी बहिनी सँग सानो सानो कुरामा विवाद सिर्जना हुनेछ । पढाई लेखाइमा ध्यान जाने छैन भने विभिन्न अवसर आएपनि सदुपयोग गर्न नजान्दा अरू भन्दा धेरै पछि परिनेछ । स्वास्थ्यमा समस्या आई उपचार खर्च बढेर जानेछ भने प्रेममा अविश्वास बढ्ने तथा धोका हुनेछ ।

धनु (ये,यो,भा,भी,भू,ध,फा,डा,भे): धर्ममा श्रद्धा र परोपकारमा मन जानेछ। स्वास्थ्यमा भने कमजोरी अनुभव हुनेछ। सानातिना काममा अल्झनुपर्दा आफ्ना योजना समयमा सम्पादन नहुन सक्छन्। आशा देखाउनेहरूको भरपर्दा धोका पाइनेछ। चुनौतीपूर्ण कामको दायित्वले कठोर निर्णय गराउन सक्छ। अप्ठ्यारा परिस्थितिसँग सम्झौता गर्नुपर्ला। पुरै समय सङ्घर्ष गरेतापनि सफलता भने न्यून मात्र हातलागी हुनेछ ।

मकर (भो,जा,जी,जू,जे,जो,ख,खी,खू,खे,खो,गा,गी): कामको सन्दर्भमा विशिष्ट व्यक्तित्वहरूसँग मित्रता बढ्नेछ। कला, साहित्य, मनोरञ्जन आदि क्षेत्रमा रुचि बढ्नेछ। व्यापार–व्यवसायमा लोग्नेहरूलाई विशेष फाइदा हुनेछ। रुचिका विषयमा लगानी बढाउने समय छ। विभिन्न अवसरले पछ्याउनेछन् भने भविष्यका लागि विशेष काममा जग बसाउने मौका छ। आफ्नो क्षेत्रमा प्रभुत्व जमाउन सकिनेछ।

कुम्भ(गू,गे,गो,सा,सी,सु,से,सो,दा): समयमा होस नपुग्नाले खर्च मात्र हुनेछ। प्रलोभन देखाउनेहरूले फसाउन सक्छन्। मेहनत गर्दागर्दै पनि उपलब्धि प्राप्त गर्न मुस्किलै पर्ने समय छ। शुभचिन्तकहरूको सुझावलाई बेवास्ता गर्नाले पनि दुःख पाइनेछ। परिवारजनबाट टाढिनुपर्ला। आफ्नै कमजोरीले काममा बाधा हुने सम्भावना देखिन्छ। सद्विचारले अभिप्रेरित हुनेहरूलाई भने फाइदै हुनेछ।

मीन(दी,दू,थ,झ,ञ,दे,दो,चा,ची): इच्छाशक्ति बढ्नुका साथै प्रयत्न गरेको काम छोटै समयमा पूरा हुन सक्छ। परम्परालाई समयसापेक्ष परिवर्तन गर्न सकिनेछ। प्रशंसकहरू बढ्नेछन्। विशेष समारोहबिच मान–सम्मान, प्रतिष्ठा आदि पाइनेछ। स्वादिष्ट भोजनको आनन्द मिल्नेछ। परिवारजनसँग आत्मीयता बढ्नेछ। प्रेम र मित्रताको गाँठो कसिनेछ। फुर्सद नमिले पनि प्रतिष्ठित काम गर्ने अवसर जुट्नेछ।
तपाईँको दिन शुभ रहोस् ।
ज्योतिषी गणेश काफ्ले ।