हिमालय पुस्तक प्रदर्शनी बुटवलमा सम्पन्न

पाठक मञ्च र रूपन्देहिका पुस्तक प्रेमीहरूको सक्रिय सहभागितामा ७ दिने हिमालय पुस्तक प्रदर्शनी २०७५ सम्मन्न गरेको छ ।

पुस्तकको संसार विराट रहेको तथा उपन्यास, कथा, कविता, गजल, निबन्ध, नियात्रा, जीवनी, आत्मकथा, धर्म, संस्कृति, शिक्षा, सकारात्मक साँच, दर्शन, वालसाहित्य आदि विविध विधामा पाठकका रुचि देखिएको आयोजकले बताएका छन् । लेखक, प्रकाशक र पुस्तक विक्रेता भन्दा पाठकको विधागत चेत उन्नत रहेको जानकारी आयोजकले दिए ।

संख्यात्मक हिसाब र साज सज्जाको तुलनामा पुस्तकको विषय वस्तुको गुणस्तर अझै कमजोर रहेको गुनासो पाठकहरुले प्रदर्शनीमा गरेका थिए । पर्याप्त खोज, अनुसन्धान र उपयुक्त शब्द चयनको अभावमा केही किताबहरु कामै नलाग्ने लेखिएको भन्दै पाठकहरुले दुखेसो पोखेका थिए । पाठकको स्तरमा विविधता भए पनि प्रयाप्त खोज, अनुसन्धान सहित भाषा सम्पादनमा राम्रो मेहनत गरिएका किताबहरु लेखिनुपर्नेमा पाठकहरुले जोड दिएका छन् ।

प्रदर्शनी बुठवल – ९ मिलन चोकमा ११ असार बाट १७ असार सम्म चलेको थियो ।