प्रचण्डको प्रतिवेदन सर्वसम्मत पारित, सुनिएन न्यौपाने र कार्कीको फरक मत
काठमाडौं- नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आठौँ महाधिवेशनमा प्रस्तुत गरेको राजनीतिक प्रतिवेदन सर्वसम्मतिले पास भएको छ ।
प्रचण्डले प्रतिवेदनमाथि उठेका प्रश्नहरूको जवाफ दिएपछि आज बन्दसत्रको हलबाट सर्वसम्मतिले प्रतिवेदन पास भएको हो ।
प्रचण्डले प्रतिवेदनमाथि आएका सुझावहरूलाई आधार मानेर परिमार्जन गर्दै लैजाने प्रतिबद्धता व्यक्त गरेका थिए ।
प्रतिवेदनमाथि आएका फरक मतका सन्दर्भमा भने अध्यक्ष प्रचण्डले आफ्नो २ घण्टाको भाषणमा केही बोलेनन् ।