रामचन्द्रले बोलाए देउवा बाहेकका केन्द्रीय सदस्यको बैठक
काठमाडौं- राजनीतिक दलहरूमा बिग्रह भैरहेका बेला नेपाली काँग्रेसमा पनि सभापति इतरको समूह एक हुने देखिएको छ ।
कांग्रेसमा संस्थापन इतर पक्षका केन्द्रीय सदस्यको बैठक बोलाइएको छ । पछिल्लो राजनीतिक घटनाक्रम र पार्टीको १४ औं महाधिवेशनका सन्दर्भमा आज दिउँसो २ बजे देउवा समूह बाहिरका केन्द्रीय सदस्यबीच भर्चुअल बैठक डाकिएको छ ।
नेपाली कांग्रेसका वरिष्ठ नेता रामचन्द्र पौडेलले देउवालाई समर्थन गर्ने बाहेकका केन्द्रीय सदस्यलाई बैठकमा बोलाएका छन् । निर्धारित महाधिवेशन प्रभावित हुने परिस्थिति बन्दै गएपछि पौडेलले संस्थापन इतर पक्षसँग छलफल गर्न लागेको बताइएको छ ।