पोखरामा बसको ठक्करबाट दुई प्रहरीको मृत्यु

पोखरा । पोखरामा बसको ठक्करबाट दुई प्रहरीको मृत्यु भएको छ।

पोखराको विजयपुरमा बा ४ ख ५७५८ नम्बरको बसले ग ११ प ३६४५ नम्बरको मोटरसाइकलाई ठक्कर दिँदा मोटरसाइकलामा सवार प्रहरीद्वय सुशिल बानियाँ र प्रदिपकुमार यादवको मृत्यु भएको हो।

प्रहरीका अनुसार बागलुङबाट काठमाडौँ जाँदै गरेको बसले गएराति साढे ९ बजे उनीहरूलाई ठक्कर दिएको थियो । ठक्करबाट घाइते उनीहरूलाई उपचारका लागि पोखरा स्वास्थ्य विज्ञान प्रतिष्ठानमा लगिएको थियो।

उनीहरूलाई अस्पतालले राती नै मृत घोषणा गरेको थियो ।