पेट्रोल, डिजेल र मट्टितेलको मूल्य बढ्यो : के को कति ?

काठमाडौं । पेट्रोल, डिजेल र मटिट्तेलको मूल्य बढेको छ । नेपाल आयल निगमले पेट्रोलमा १ रुपैयाँ ५० पैसा बढाएको छ भने डिजेल र मट्टितेलमा १-१ रुपैयाँ मूल्य बढाएको हो ।

नयाँ मूल्य शुक्रबार राति १२ बजेबाट लागू हुनेछ । नयाँ मूल्य सूचीअनुसार काठमाडौंमा पेट्रोल प्रतिलिटर १ सय ११ रुपैयाँ ५० पैसा पुगेको छ । यसैगरी डिजेल र मट्टितेलको मूल्य ९८ रुपैयाँमा पाइनेछ ।

हवाई ईन्धन र खाना पकाउने एलपी ग्याँसको मूल्य यथावत राखिएको छ ।