अत्तरिया पत्रकार मञ्चको तदर्थ समिति गठन,अध्यक्षमा भट्ट

कैलाली । सुदुरपश्चिम प्रदेशको स्थायी राजधानीसंग जोडिएको कैलालीको अत्तरियामा ‘अत्तरिया पत्रकार मञ्च’ को तदर्थ समिति गठन गरिएको छ । अत्तरिया क्षेत्रमा रहेका बिभिन्न मिडियाहरुमा कार्यरत पत्रकाहरुको एक भेलाले आज गोदावरी एफ एमका समाचार प्रमुख हेमराज भट्टको अध्यक्षतामा ९ सदस्यिय पत्रकार मञ्चको तदर्थ समिति गठन गरेको हो ।

समितिको उपाध्यक्षमा अग्नी पोष्टका अत्तरिया समाचार प्रमुख राज कुमार साउँद , सचिबमा रेडियो प्रदेश सेभेनका स्टेसन प्रमुख धुर्व ओझा , सह-सचिबमा गोदावरी न्युज अनलाईनका सम्पादक महेश महर , कोषाध्यक्षमा गोदावरी एफएमकी संम्वादाता चित्रा नौन्याल सर्वसम्मत चयन भएका छन् । यस्तै सदस्यहरुमा टिभि टुडेका संम्वादाता अनिल पन्त , सुदुरखबर अनलाईनका संम्वादाता प्रेम सिंह बिष्ट , सेतो हिमालका संम्वादाता रमेश प्रसाद भट्ट र गोदावरी एफ एमकी संम्वादाता संगिता खड्का चयन भएका छन् ।

उक्त समितिको सल्लाहाकारमा गोदावरी एफएमका प्रबन्ध निर्देशक गोबिन्द रोश्यारा , रेडियो प्रदेश सेभेनका प्रबन्ध निर्देशक शेर बहादुर शाह , सुदुरखबर अनलाईनका प्रबन्ध निर्देशक केशब सिं धामी र सेतो हिमालका प्रबन्ध निर्देशक कैलाश जोशीलाई चयन गरिएको छ । अत्तरिया प्रदेशको स्थायी राजधानीसंग पनि जोडिएकाले पत्रकारिताको विकास संगै यस क्षेत्रमा नयाँ पत्रकारहरु उत्पादन गर्न मञ्चको समिति गठन गरिएको अध्यक्ष अध्यक्ष हेमराज भट्टले बताए ।