पर्वतमा भिषण पहिरो : आधा दर्जन घर पुरिए
काठमाडौं- पर्वतमा पहिरो गएको जाँदा घरहरू पुरिएको खबर प्राप्त बहेको छ । भिषण वर्षाका कारण कुश्मा नगरपालिका- ३ दुर्लुङमा पहिरो जाँदा कम्तिमा आधा दर्जन घर पुरिएको बताइएको छ ।
सेनाको टोली घटनास्थलतर्फ जाँदै गरेको बताइएको छ । उक्त घरमा आठजनाको ज्यान गएको अपुष्ट खबर प्राप्त भएको हो ।
लगातार भएको वर्षा अहिले पनि रोकिएको छैन । वर्षा भइरहेका कारण ठाउँ-ठाउँमा पहिरो गएर सडक अवरुद्ध भएका कारण घटनास्थल पुग्न समय लाग्ने बताइएको छ ।
सवारी साधन पहिरोका कारण फसेपछि हिँडेरै सेनाको टोली घटनास्थल जाँदै गरेको बताइएको छ ।
पर्वतका प्रमुख जिल्ला अधिकारीका अनुसार दुर्लुङको ढकालबारीमा पहिरो गएको र कति क्षति पुगेको भन्ने बुझ्न अहिले प्रजिअसहित जिल्ला प्रहरी कार्यालय र सुरक्षा निकायको टोली घटनास्थल गइरहेको बताएका छन् ।
स्थानीयका अनुसार आधा दर्जनभन्दा बढी घरहरुमा क्षति पुगेको छ । अहिले पनि भिषण पानी परिरहेकाकारण उद्धारमा कठिनाइ भएको जनाइएको छ ।