ओली समुहका पाँच सांसदले दिए देउवालाई विश्वासको मत

काठमाडौं- नेकपा एमालेका अध्यक्ष केपी शर्मा ओली समुहका पाँच जना सांसदहरूले पार्टीको ह्विप उल्लङ्घन गर्दै प्रधानमन्त्री शेरबहादुर देउवालाई विश्वासको मत दिएका छन् ।

ओली पक्षका केहि प्रभावशाली सांसदहरुसहित पाँच सांसदले फ्लोर क्रस गरेका हुन् । एमालेले स्थायी कमित बैठक डाकेरै लगाएको ह्विप उनीहरूले तोडेका हुन् ।

देउवालाई मत दिने ओली समुहका सांसदहरूमा ओली समुहका खास नेताहरू समेत छन् । यसअघि केपी ओली नेतृत्वको सरकारमा वनमन्त्री रहेका सांसद प्रेम आले तनहुँबाट निर्वाचित सांसद किसान श्रेष्ठ, डोल्पाबाट प्रत्यक्ष निर्वाचित सांसद धनबहादुर बुढालगायत हिराचन्द्र केसी र पावर्ती विसङ्खे पनि देउवालाई विश्वासको मत दिएका छन् ।