एमाले अध्यक्ष ओलीले कार्यकर्तालाई विशेष सम्बोधन गर्दै

काठमाडौं- नेकपा एमालेका अध्यक्ष केपी शर्मा ओलीले पार्टी कार्यकर्तालाई विशेष सम्बोधन गर्ने भएका छन् । ओलीले आज बिहिबार कार्यकर्तालाई विशेष सम्वोधन गर्ने तयारी गरेको बताइएको छ।

बिहिबार दिउँसो २ बजे भक्तपुरका पार्टी कार्यकर्ताहरुले राखेको कार्यक्रममा उनले विशेष सम्बोधन गर्न लागेको एमाले भक्तपुरका सांसद महेश बस्नेतले जनाएका छन् ।

आजको सम्वोधन विशेष हुने नेताहरूले बताएका छन् । पार्टीका वरिष्ठ नेता माधव नेपालले नयाँ पार्टी गठन गरी निर्वाचन आयोगमा दल दर्ताको लागि निवेदन दिएका कारण पनि ओलीको आजको सम्वोधन विशेष हुने बताइन्छ ।

नेकपा एमाले जिल्ला कमिटी भक्तपुरले आयोजना गर्ने कार्यक्रममा अध्यक्ष ओलीले पछिल्लो राजनीतिक घटनाक्रम लगायत विषयमा विशेष सम्बोधन गर्ने बस्नेतले बताए।