स्थायी कमिटी बैठकअघि ओली पक्षका नेताहरूको गोप्य बैठक
काठमाडौं- आज तय भएको स्थायी कमिटी बैठकअघि नेकपाभित्र दौडधुप चलिरहेको छ । नेताहरूले बिभिन्न विकल्पसहित शिर्ष नेताहरूलाई भेतिरहेका छन् ।
यस्तै प्रधानमन्त्री तथा नेकपाका अध्यक्ष केपी शर्मा ओली पक्षका नेताहरु बालुवाटारमा गोप्य बैठक बसेका छन् । बालुवाटारमा प्रधानमन्त्रीसँगै महासचिव विष्णु पौडेल, उपप्रधानमन्त्री ईश्वर पोखरेललगायतका नेताहरुबीच गोप्य छलफल भएको स्रोतले बताएको छ ।
उनीहरूको छलफल पश्चात अहिले पार्टीका कार्यकारी अध्यक्ष पुष्पकमल दाहाल प्रचण्ड र प्रधानमन्त्री ओलीबीच छलफल भइरहेको छ ।
बुधवार बिहान मात्रै ओली निकट स्थायी कमिटी सदस्य तथा लुम्बिनी प्रदेशका मुख्यमन्त्री शंकर पोखरेल खुमलटार पुगेका थिए । उनी ओलीको सन्देश बोकेर अर्का अध्यक्ष पुष्पकमल दाहाल प्रचण्ड निवास पुगेका थिए ।
भेटमा पोखरेलसँग प्रचण्ड झर्किएको स्रोतले बताएको छ ।