ओली नेतृत्वको सरकारमा ‘बादल’ गृहमन्त्री बन्ने
काठमाडौं । प्रधानमन्त्री केपी ओली नेतृत्वको सरकारमा रामबहादुर थापा ‘बादल’ गृहमन्त्री बन्ने भएका छन् । माओवादी अध्यक्ष प्रचण्डले सोमबार प्रधानमन्त्री ओलीलाई भेटेर मन्त्रीको नामावली बुझाएका छन् ।
सो नामावलीमा बादलको नेतृत्वमा माओवादी सरकारमा सहभागी हुने र उनले गृह मन्त्रालय सम्हाल्ने प्रचण्डले ओलीलाई जानकारी गराएको स्रोतले बताएको छ ।
यसअघि गृहमन्त्रीमा वर्षमान पुन ‘अनन्त’ले पनि दावी गरेका थिए । बादल प्रचण्ड नेतृत्वको पहिलो सरकारमा रक्षामन्त्री थिए ।बादलले गृहमन्त्रालय पाउने भएपछि वर्षमान पुनलाई अर्को शक्तिशाली मन्त्रालय दिने तयारी छ ।
तर कुन मन्त्रालय दिने भनेर अझै टुंगो लागेको छैन ।