ओली-नेपाल भेटवार्ताको तयारी: नयाँ सहमति हुँदै

काठमाडौं– विभाजनको डिलमा पुगेको नेकपा एमालेको विवाद टुंगो लाग्ने भएको छ । अन्तिम सहमतिको लागि प्रधानमन्त्री एवं अध्यक्ष केपी ओली र वरिष्ठ नेता माधवकुमार नेपालबीच भेटवार्ताको तयारी गरिएको छ।

ओली नेपालबीच हुने भेटवार्ताको स्थान सार्वजनिक गरिएको छैन । लामो समयपछि सकृय भएको विवाद समाधान कार्यदलमा रहेका दुवै पक्षका नेताहरुको अथक प्रयासबाट दुई शीर्ष नेताबीच भेटवार्ता हुन लागेको बताइएको छ ।

स्रोतका अनुसार आज बुधबार नै उनीहरूबीच भेटवार्ता गराउने प्रयास भैरहेको छ ।दुवै नेताको भेटवार्तापछि सहमतिलाई अन्तिम रुप दिने तयारी रहेको नेताहरुले जनाएका छन्।

विवाद समाधानका लागि तीनदिनदेखि कार्यदलका सदस्यबीच छलफल भइरहेको छ। छलफल सकारात्मक उन्मुख रहेको दाबी नेताहरुले गरेका छन्।