ओलीलाई मोदीले पठाए सन्देश: थप उपचारका लागि सहयोग गर्ने
काठमाडौं । भारतीय प्रधानमन्त्री नरेन्द्र मोदीले प्रधानमन्त्री केपी शर्मा ओलीलाई स्वास्थलाभको सन्देश पठाएका छन् ।
मोदीले थप उपचारका लागि आवश्यक सहयोग गर्ने प्रस्तावसहित प्रधानमन्त्री ओलीलाई स्वास्थ्य लाभको संदेश पठाएका हुन् ।
मंगलबार मनमोहन कार्डियोथारासिक भास्कुलर तथा ट्रान्सप्लान्ट सेन्टरमा प्रधानमन्त्री ओलीको एपेन्डिसाइटिसको अप्रेसन गरिएको थियो । उनी अहिले सेन्टरको सघन उपचार कक्षमा छन् ।
मोदीले थप उपचारका लागि आवश्यक सहयोग गर्ने प्रस्ताव समेत राखेका छन् ।
मोदीले नेपाल भारत सम्बन्धलाई थप उचाईमा पुर्याउन ओलीसँग थप सहकार्यका लागि तयार रहेको पनि बताएका छन् ।